Mobil Tətbiq
Veb Dizayn Xidməti
Qrafik Dizayn Xidməti
Rəqəmsal Marketinq
Media Xidmətləri
Sizə ilkin mərhələdə mobil tətbiq lazım deyil
Əgər müştəri öz telefonunda yaddaş problemi yaşadıqda ilk olaraq Sizin mobil tətbiqi silirsə, onun qərarına iki əsas faktor təsir edə bilər. Birinci faktor Sizin mobil tətbiq onun üçün prioritet deyil və hər gün istifadə etmir. Mobil tətbiq kifayət qədər dizayn və funksionallıq baxımından istifadə üçün rahat deyildir. Marcom şirkəti olaraq hər zaman yuxarıda qeyd olunanlarla bağlı sahibkarları məlumatlandırıb, yanlış qərarlar verməməyi tövsiyə edirik. Mobil tətbiq yaratmadan öncə aşağıdakı məsələlərə diqqət edin.
EHTİYAC VARMI?
Müştəri kütlənizin yaradacağınız mobil tətbiqə nə qədər ehtiyacı vardır? Bu qısa araşdırma təmsil etdiyiniz şirkəti ilkin mərhələdə 50-100 min manat vəsaitə və sərf edəcəyiniz zamana qənaət etdirə bilər. Müştəri ehtiyaclarını diqqətlə araşdırın.
MARKETİNQ BÜDCƏSİ
Mobil tətbiqi yaratmaq bir xərc, onu bazara tanıtmaq isə əlavə xərc tələb edir. Öz təcrübəmizə əsasən deyə bilərik ki, bu gün bir mobil tətbiqin yerli bazara otuzdurulması sahədən asılı olaraq ortalama 150-220 min manat vəsait tələb edir.
DAVAMLI DƏSTƏK
Uğurlu mobil tətbiqin arxasında ciddi IT komanda dayanır. Əgər müştərilərə təqdim etdiyiniz mobil tətbiqi davamlı olaraq texniki dəstək göstərəcək IT komandanız mövcud deyilsə, Sizin bütün texnoloji yatırımlarınız risk altındadır.
İNTEQRASİYALAR
Bir çox hallarda şirkətlər bizə hazır mobil tətbiq layihəsi ilə bağlı müraciət edirlər. Layihəyə başlamadan öncə araşdırdıqda görürük ki, bəzi məlumatlar 3-cü tərəfin bazasından daxil olmalıdır. Həmin 3-cü tərəfin isə öz məlumatlarını paylaşmaq istəmədiyi ortaya çıxır.
KONTENT
Bu işin daha bir çətin tərəfi mobil tətbiqin faydalı kontent ilə təmin olunmasıdır. Mobil tətbiqdə kontentlər həm statik, həm də dinamik olur. Mobil tətbiq yaratmaq istəyənlərin böyük bir qismi bu proseslərdə istifadəçilərinə istədiyi məlumatı ötürə bilmir.
DATA İLƏ İŞLƏMƏ
Mobil tətbiq üzərindən əldə edilən məlumatların daim analiz olunması lazımdır. İşin bu hissəsi ilə məşğul olan əməkdaş və ya tərəfdaş şirkətiniz mövcud deyilsə, mobil tətbiqin inkişaf sürəti azala, cari bazarı sürətli şəkildə tərk edə bilərsiniz.
Mobil tətbiq ilə müştərilərlə ünsiyyətinizin daimiliyini təmin edin
Mobil Tətbiqin hazırlanması mərhələləri:
Planlama
Bu mərhələ özündə mobil tətbiqin konseptinin qurulması, atılacaq addımların müəyyən edilməsi, mobil tətbiqin gələcəkdə moneterezasiyası yollarının araşdırılmasını birləşdirir.
Prototip
Bu mərhələdə hazırlanacaq mobil tətbiqin ekran ölçüləri və interfeysinin hansı formada olması müəyyən edilir.
Dizayn Araşdırması
Sifariş əsasında hazırlanacaq mobil tətbiq üçün istifadə olunacaq rəng palitrası, dizayn elementləri, o cümlədən yerli və beynəlxaq təcrübə araşdırılır.
Proqramlaşdırma
Dizayn mərhələsinin tamamlanmasından sonra mobil tətbiqin bütün səhifələrinin dinamikliyinin formalaşdırılması mərhələsinə başlanılır.
Testinq
Bütün mərhələlər bitdikdən sonra Sifarişçi tərəfindən mobil tətbiq test olunaraq ortaya çıxan bütün texniki çatışmazlıqlar aşkar olunur və aradan qaldırılır.
Yerləşdirmə
Bütün mərhələlərin sonunda sifariş olunmuş mobil tətbiq istifadə üçün aidiyyatı üzrə Appstore və ya Google Play marketə yerləşdirilir.